Վրաստանի ցորեն և ալյուր արտադրողների ասոցիացիայի գործադիր տնօրեն Լևան Սիլագավայի խոսքով՝ ալյուրի գինը նվազում է, սակայն մինչ այժմ միտումը չի փոխանցվել ցանցային մարքեթինգին:
«Վրաստանի հացի արդյունաբերության միության» նախագահ Մալխազ Դոլիձեի խոսքով, հացի գինը դեղերի նման վերահսկելու համար պետք է հացի համար ևս սահմանել ռեֆերենս գներ։
Վրաստանի ազգային վիճակագրական ծառայության (Geostat) տվյալներով՝ 2021-2022 ուսումնական տարվա ընթացքում Վրաստանի մասնավոր և հանրային դպրոցներում աշխատող ուսուցիչների ընդհանուր թիվը եղել է 62 հազար 981:
«Ալիք Մեդիան» մանրամասներ է ներկայացնում, թե ով կարող է լինել հրավիրյալ ուսուցիչ:
Վրաստանի վարչապետ Իրակլի Ղարիբաշվիլիի խոսքով, 55 հազարով ավելացել է աշխատողների թիվը. ընդամենը մի քանի ամսում երկրում ստեղծվել են նոր աշխատատեղեր: Ղարիբաշվիլիի խոսքով՝ Վրաստանը նախատեսում է միանալ եվրոյի միասնական վճարային գոտուն (SEPA): Վարչապետը չի բացառել, որ երկրում հաճախակի բռնկվող հրդեհները դիվերսիայի հետևանք են։
Վրաստանից չվերահսկվող Ցխինվալիի դե ֆակտո անվտանգության կոմիտեի սահմանապահ ծառայությունը վրացական կողմին մեղադրում է «հանրապետության օդային տարածքի» անօրինական խախտման համար։
Օսական կողմի տեղեկությամբ՝ օգոստոսի 20-ից 28-ը Վրաստանից չվերահսկվող Ախալգորիի և Ջավայի շրջանների ուղղությամբ բացված «անցակետերից» օգտվել է 3 026 մարդ։
Պրահայում իր ելույթի ընթացքում Գերմանիայի կանցլեր Օլաֆ Շոլցը խոսել է Եվրամիության հնարավոր ընդլայնման մասին։
Վրաստանի ամենամեծ ընդդիմադիր «Միացյալ ազգային շարժում» (ՄԱՇ) խմբակցության նախագահ Խատիա Դեկանոիձեի խոսքով, Վենետիկի հանձնաժողովի եզրակացությունը վկայում է, որ իշխող «Վրացական երազանքը» չի պատրաստվում կատարել Եվրամիության թեկնածուի կարգավիճակ ստանալու համար առաջարկված 12 կետերը:
Ամերիկացի բժշկական փորձագետ Էրիկ Գոլդսմիթը «Վիվամեդ» կլինիկա է այցելել Միխեիլ Սաակաշվիլիին տեսակցելու նպատակով։
Ուկրաինայի նախագահ Վլադիմիր Զելենսկին վրացի հայտնի դիզայներ, Balenciaga նորաձևության տան կրեատիվ տնօրեն Դեմնա Գվասալիային պարգևատրել է 3-րդ աստիճանի շքանշանով:
Գիորգի Ալադաշվիլին նշանակվել է Կախեթիի նահանգապետ. նշված պաշտոնում նա փոխարինել է Իրակլի Շիոշվիլիին։
Վրաստանում ՆԱՏՕ-ի կապի գրասենյակի հայտարարության համաձայն՝ Վրաստանում են դաշինքի ցամաքային զորքերի հրամանատարության սպաները։
Վազիանիի 4-րդ հետևակային բրիգադի զորավարժարանում պաշտոնապես մեկնարկել է «Արժանի գործընկեր 2022» բազմազգ զորավարժությունը։
Բորջոմիի և Ախալցիխեի մունիցիպալիտետներում հրդեհավտանգ իրավիճակը կայուն է. հրդեհի բաց օջախներ չկան։
Եվ վերջում՝ լարիի փոխարժեքը՝ այստեղ:
